نبطي(الزمن يمشي)

يقولون الزمن يمشي وقول إن الفصول تدور
وإذا ربك يبي يعدل تشوف الأرض دوّاره

حقايق علم ملموسه تبناها رجل مخمور
وقبله منْزِلَ المصحف نطق باالعلم واسراره

ألا ياللي على الرجعه شفوق وكنك المسرور
تصنت كان لي نبضه على لاماك هذّاره

ترى ماعادلي حاجه على دنياك يامغرور
دفنت الحب في قبرٍ وسط صحراء هدّاره

ماغير رياحها تسولف على الرمله بكل حضور
تغير من ملامحها تخلي الركب محتاره

ترجِّى مابها رجوه أنا دونك بنيته سور
وحتى الباب ماشيِّد إذا للقلب أعذاره

خذيتي كل أحلامي غيابك كان ماله نور
ظلام وزاد في ليله مشاعر ود منهاره

تركت القلب في غبه ولو لا الرب والمقدور
غرقت ولا درى عني سوى أحمد وأشعاره

بعد كلّ السنين إتجي وكنك من بنات الحور
تحَسْبِ الوضع هو نفسه مابين الشط وبْحاره

أنا البحّار في بحرك هذاك أول وراح الدور
أحاول أوصل المينا بموجة حب غدّاره

وشوف اليوم في يدّي نتيجة غلطة الدكتور
تشوف البحر في موجه ينادي الريح ياجاره

نصيحه دامك أبعدتي طريقك واصليه ازهور
فلا دربي تشوفينه صحاري شوك صبّاره

5/3/2017