كفكف دموعك - محمد عبدالله الحسين الشطيري

كفكف دموعك
لاتبيح سرك لأحد خلك كتوم

كفكف دموعك لاحد يراها سايلة
افرح تسلى خل عنك الهموم

كل انسان مكتوبه جايله جايله
اطلب الله عسى ستره يدوم

واحمده على النعم تراها زايلة
ارفع علومك واترك بعض العلوم

وجازي راعي الجميل على جمايله
خلك حريص ولاتخلق لك خصوم

واصبر على زلة الجاهل وحايله
اعطف على الناس وخلك رحوم

غض البصر لاتكون عيونك طايلة
وابعد عن دروب بعض الرخوم

ابعد عن اهل الروس المايله
لاتكبر تعجز يدينك تطول النجوم

ابليس تكبر ووقع في حبايله
حافظ على عادات وتقاليد وسلوم

وادمح زلة خويك وتجاهل فعايله
لاتعطي نفسك هواها وصلي وصوم

واقتدي بسنة محمد واتبع خصايله
محمد عبدالله الحسين الشطيري

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر