نرجسية

نرجسية
نهرج نضحك نسولف مع الناس

الوجع في القلب والعلة داخلية
لاباس ياقلب الشقي لاباس لاباس

لملم جروحك وهي بعدها طرية
لك صاحب فيك مغرم وحساس

مره يجي كذا ومره كذيه
مره يقول حبك على ساس

ومره احس انه قاسي عليه
ذاك الذي حبه فدمي والانفاس

ماظن خلق في المخاليق زيه
ذاك الذي معرب الأصل والساس

ذاك المنزه عن علوم الرديه
ذاك المخلص الوافي عصابة الراس

فيه الحلا مع شوية نرجسيه
الخد كنه مصنوع من الماس

والمبسم العذب يشبه لوردة نديه
لاقلت له مالك كذا حساس

يقول اسوق الدلال شويه شويه
الشاعر:

محمدعبدالله عبدالله الحسين الشطيري