نظرة عيونك - محمد عبدالله الحسين الشطيري

نظرة عيونك
مادريتي وش صار فيني
بعطيك نبذة عما جرالي
هم يجيني وهم يوديني
سارح فكري وتايه خيالي
لك الله رجولي ماتقديني
واعنز على عكاز بجالي
فراقك هدني يابعد عيني
سبحان من غير احوالي
فبحر حبك تاهت عناوين
ياعذبة الأنفاس ياماي الزلالي
ياحبي النادر ياشمعة سنيني
غيرك مايطري على بالي
ليتك تشوفي يانظر عيني
بعدك وش اللي جرالي
يابنت بُعدك ماهو بمرضيني
مير الزمن ميلة واعتدالي
ماقول لك ضروري تجيني
اقول الصبر فاق احتمال
تدرين بس ويش يشفيني
نظرة عيونك ياهوى بالي
الشاعر:
محمدعبدالله الحسين الشطيري
© 2024 - موقع الشعر