وحبه في ضميره

أبتداني حب في لحظه قصيره
ولامست قلبي بنظرات الجميله

ومادريت اني وقعت بجب بيره
لين غارت في حشا صدري رحيله

وامسَكت طرف الامل من كل ديره
لا سمعت الصوت في عالي صهيله

وناغمت بسمه وحبه في ضميره
وما دريت اني انادي له وبيله!!

والمحبه غارقه ب صدري غزيره
ما بقى له حب في غيره يجيله

حتى لو حاول يعاني في مسيره
من سكن قلبي طريقه من قبيله

ماهو مَنْ خلفه يلوح له بشيره
في نظر عيني يطاير له هديله

بقلمي... ابو عبدالله المضياني
أسير الحرف