إختباري - عوض بن ناصر باصم

يا ستاذ ليتك تعرف شلون حلّيت
ليتك تجي صدفه بوقت اختباري

لا شفت لي غلطه وفِي حلّي اخطيت
تجاهل الغلطات ولو كنت داري

ضاعت حساباتي و بالزين سجّيت
ثم صرت ضايع تايهٍ في قراري

جاني سؤال اختر و اكمل و زليت
زليت من عينٍ تدور بمداري

حسبي عليها ليت ماجات ياليت
الفكر برمج طيفها في اختياري

مدري وش اللي صاب فكري و طريت
اللي لها ليلي معادي نهاري

لا تلومني يا ستاذ والله حبيت
وعشقتها عشق البدو للصحاري

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر