النمام

اليا دعى الهاجس بيون الوسيمه
جتني تسابق في خطاها من الشوق
 
فيها المعاني و البوت الحكيمه
تسوقها بنات فكري لها سوق
 
وانصح بها كل الوجيه الحشيمه
عن سعلة في درب من ضمها عوق
 
ما تشتريها الا العقول السقيمه
ولا تعجب الا ناس ما عندها ذوق
 
بضاعة النمام راع النميمة
اللي ما تلقى في المراجل لها سوق
 
بياعها غشاش ما فيه شيمه
من اليحا مغسول و جهه ومحلوق
 
يشب ناره ان لقا له هشيمه
اليا بدا خفا كل مخلوق
 
ينصب محايله ويشرك نديمه
خويه اللي له مواثيق وحقوق
 
ويفرح ليا جات العواقب وخيمه
ان شاف له قلب من الهم محروق
 
وان عودت للجد ذب الخريمه
ما عاد يلزم قلبه ايات معلوق
 
والبعد عن مجلاس مثله غنيه
عذا الصحيح وقمة العرف الذوق