ياطيّ حالى

لـ مفلح نجم، ، في العتب والفراق، 105

ياطيّ حالى - مفلح نجم

ياطي. حالي والمقانيص يرمون
طي الرشا في ايدين ورَّادة. الذود

(الْمَا) شحيح وكل شهرين يرْدون
مايشرب الا ...زَمْل ساطي ولد عَوْد

واللي مِطرْف يحتريهم يِقَفّون
والله مايلقى ورى زمْلُهم فَود

دام العزاوي مالها قوم يوحون
ولا قلوبٍ تحتميها ولا..اعْضود

ابرك وخل اهل الشباري يذكّون
وان ماتعشتك النسور اعزم الدود

سوق الركايب وانشع الصوت بالهون
هيجن لحالك دام ما..ردّك. حْدود

ياقافي اللي تحسب الناس يبكون
والناس مشْدوهه وسالين ورْقود

مدري ياقافي جيت ضميان مغبون
والا ياقافي جيتهم مثل عبرود

ان صاب يحيي من تمنو يموتون
وان زَمْ وقْعه. كن من عاش مولود

ياقافي انته لحْن في بطنك الْحون
طرقي وضيف. وتدري العمر معدود

لك مملكه وجيوش ومشيِّد. احْصون
وتْسن قانونك وتفرض لك بْنود

ياقافي إسْلَم دام في راسي اجْنون
حطت على سطح البحر. عرش ممدود

واطْوَ. الرِّشا واسرح مع اللي يغنون
وارْوَ. الكبود اللي تلاوج. مع الذود

© 2024 - موقع الشعر