حظّي مع الأصحاب

تروح عنك أيّام وتجيك أيّام
وأيّام(ن) تروح لا عاد ترجيها

مثل الأوادم فيهم قرايب وأرحام
لا بدّ في يوم(ن) تفارقها وترثيها

بختي في هالدّنيا سراب(ن) وأوهام
وبخت غيري أحلى و أحلى ما فيها

وحظّي مع الأصحاب مايل ومنضام
وحظوظ غيري بأعلى كراسيها

ماني كذوب(ن) ولا فاجر(ن) نمّام
ولاني من أقوام(ن)تنكّر لماضيها

أضحك وأسولف وأساير فالكلام
والقلب في لبّته أحزان(ن) يداريها

طبوع النّاس تتغيّر مع الأيّام
وطبوعي عزيزة بأمر واليها

والحكم صدروه أصحابي بالإعدام
مختوم ومصدّق بتوقيع قاضيها