مصرّح ممنوع

قالوا بنعطيكم التّصريح وأبشروا بالقناصة
لكن ترى القمري والكرك ما تقربونه

حتى السمانة وعن صيدها إمنعونا
والوبر والنّيص إيضا وممنوع ترمونه

وكمّلوها بالقطا والأرنب والدّخّلي
وحطّوا الغرامة ألوف الأريل والمهونه

وش بقا في الصّيد وش بقا فعمورنا
دام القميري والأكحل بالنّظام يحمونه

ضفّوا البنادق والأجهزة وكل الذّخيرة
وشبّوا نارها من خشبها ومدهونه

يقولون القنص هوايتن زينة ومعشوقه
وأقول أبدن تراها قشرتن ملعونه

وإلّلي برايه مصمّل وبراسه قناصة
يتكتك أموره ويشدّها صوب لشبونه

يلقى الوناسة والطناخة والخدم بفلوسه
ويجدد شبابه ويغنّي أعذب شجونه

طاب القنص وطاب لي طبطابه
وطبطب على متني طبطاب طاحونه

وإن عشت وتعشّيت العشا من عشاكم
أدندن الدّانه وأغنّي على دلعونه