بتحبني؟!!! ضحكتني، فرحتني - ريمون سليمان

وجعتك؟!
معلش اتحمل ما إنت ياما وجعتني

ضايقتك؟!
معلش اتحمل ما إنت ياما دبحتني

بتحبني؟!
ضحكتني

فرحتني
دلوقتي بس اكتشفت إنك كنت بتحبني؟!

بعد ما هنت كرامتي وكتير عذبتني؟!
بعد أما نزلت كتير دموعي وبيدك دمرتني؟!

بتحبني؟!
ضحكتني

فرحتني
بعد أما عشت ليك ذليل وبعزم قلبك دوستني؟!

بعد أما بقى عندي لقساوتك مليون دليل بيه ظلمتني؟!
بعد ما ياما كنت أصبر أبنيك وإنت تهدني؟!

بتحبني؟!
ضحكتني

فرحتني
يا شيخ حرام عليك ده كان فاضل يومين وعند رجلك أنحني!

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر