امطري ياعيوني

امطري ياعيوني واهملي ياغيوم
 
واسكبي ياغمامه فيض من ودقها
 
واسبلي ياجفوني وارحلي ياهموم
 
نفسي الي تمنت صار من حقها
 
كم تغيث الكرامه عز رفع الخشوم
 
ان اتت في مقام العز ياعشقها
 
والتواضع حُلي للقوم عند اللزوم
 
والتماني تماني مالمع برقها
 
شوفني في عيون الذل ريحن سموم
 
وصعب هذي صروح العز من يرقها
 
واخلاقنا ان توارت خلف هرج الرخوم
 
الله يعزي نفوسن جاهله خلقها
 
نفوس تفطر على الزلات وانفس تصوم
 
وانفس تمنت لسقيا مات من يسقها
 
 
وانفس تظن الكرامه في جمال الهدوم
 
والعيب فيها يفوق عيوب من شقها
 
يمنحني الشعر فرصة بوح شيً كتوم
 
اذا تناثر حُلي النصح من طرقها
 
ويفهم الهرج وافي كفو حرن حشوم
 
والناس تظهر حسبّ ماينتمي عرقها