الــقــدر لا تــكـرهــه والا تــحــبـه

لـ خليل بن هدلان، ، في الحكمه والنصح، 148، آخر تحديث

الــقــدر لا تــكـرهــه والا تــحــبـه - خليل بن هدلان

كل دربٍ فيه ريبه لا تطبه
 
انصرف عنه وتلقى درب غيره
سج رجلك بالدروب المستحبه
 
دامها في واسع البيدا كثيره
والقدر لا تكرهه والا تحبه
 
قول يالله جعل ف المكتوب خيره
يا نبيه القلب بالواقع تنبه
 
دام عندك عقل وعيونك بصيره
انت بالدنيا مثل سباح غبه
 
والزمن خداع وبحوره غزيره
لا تحسب ان الليالي مستتبه
 
كم تعشت في رحاها المستديره
كان شفت ظروف وقتك مشلهبه
 
ادحم الدنيا ليا صارت عسيره
واعرف ان الكون علمه عند ربه
 
خالقه ومقدرٍ شره وخيره

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر