الفيـه الــراوي - طلال الراوي

الألف.. أألف من حسين الكلاما
وأختار من زين القوافي تماما

ومن بعدها أبدي عليكم سلاما
وتحية الأسلام للي يردون

والباء.. بديت بقاف ياما تجرّب
قافٍ لقلبي ياعرب حيل قرّب

بين البشر يا سامعي هو تسرب
مروبع الأبيات ياللي تعرفون

والتاء.. تاه الفكر واقول سجيت
في هاجس الأشعار وأقول حييت

اكتب وبالي ينده وله رديت
والشعر في صدر المحبين مرهون

والثاء .. ثار الحب واصبحت مغثوث
حب بصدري كأنه الدر مبثوث

حب الحبايب للمجانين موروث
ماضي زمانه يشهد بكل محزون

والجيم.. جار الوقت والعين تسهج
دمعٍ يخلي جفني أهين يرتج

فجٍ على خدي وبالقلب له فج
واحس من دمع القهر كلي عيون

والحاء.. حرت وليه ياقلب مجروح
تبكي العنا وتزيد بداخلي نوح

ياقلب ماهمه شقا اتعب الروح
انسا ترى ماعاد له اي مضمون

والخاء.. خان وباع ياحسرتي (آآآآخ)
آآخ وصوت البعد ياناس يصرخ

جرح الغدر في داخلي له يترّخ
ياحيف والله تالي العمر مغبون

والدال.. دار الكون يومه تبعد
هدالفكر والحيل ياوي منهد

من فرقته طعم الهنا عني أرتد
واصبحت من فرقا المحبين مسجون

والذال.. ذاب الباس والصبر لاذا
واقول هذا اللي جرالي وهذا

يالايمي ماعنه والله معاذا
دامي مثل ماقلت بالحب مسكون

والراء.. راح ولاتقولون اصبر
من فرقته ياناس والله ما أقدر

طيفه ابالي كيف أنا عنه اصبر
ياويل حالي مابقى في يدي لون

والزاي.. زاد الويل يومه تبرّز
وسط الخيال وبين الأجفان يركز

كانه ملاك ووسط الأشواق يبرز
انا أشهد انه بالحلا حيل مزيون

والسين..سلت سيف خشمه وهو شمس
لاواهني من يسمعه ويلمسه لمس

حلو الوصايف لاذكرناه بالأمس
واليوم أنا في ماضي الزين مفتون

والشين.. شفت ان الغلا فيه مغشوش
ماخذ غلاه ولايجي منه طروش

ابو جديل حاشني بالجفا حوش
ياعل تعطيه الليالي على هون

والصاد.. صد وكني اليوم مقروص
ولاغريق خانته عدة الغوص

ماشفتني من فعلته أكتب نصوص؟
هذا عزاي وبالشعر قلت تكفون

والضاد.. ضقت وياعسى اقضي فروض
خوفي من الأقدار والحكم مرفوض

نوض المشاعر مايجي عقبهم نوض
يكفي خذلت النفس في هاجس ظنون

والطاء.. طاري هجرهم ماله شروط
قط الغلا والشوق بالقلب مقطوط

ياكيف اعيش ويصبح الفكر مبسوط
دام الوليف اقفى مع اللي يقفون

والظاء.. لوه حظ ماني محظوظ
دام العهد بين المحبين منقوظ

عشق الليالي كلها بصد منفوظ
حظي ردي بالقول لاماتعدلون

والعين.. عيني بعدهم آآه تدمع
ويالايمي باللوم ياليت أسمع

مرفوض قولك يانديمي وأنفع
تسكت ترى ماهمني وش يقولون

والغين.. غالي صاحبي هو مصيوغ
في داخلي واسمى من الماس مصبوغ

من عقبهم دار المزايين مفروغ
حسنه سبأ كل المخاليق ياكون

والفاء.. فيه من الوصايف ولا شيف
ملاك تعجز في حلاياه توصيف

وصار بعيون الناس للزين تعريف
ياشوق قلبي شاكي الحب بشجون

والقاف.. قايد للعذارى وصّدق
انه ملاك الزين بالحسن يدفق

يالله عسى في حالتي بس يرفق
ويحس في شخصٍ به الحب مخزون

والكاف.. كف, بصاحبي لاتشكك
حلو الطبايع للطويلات مالك

بس القدر مابيننا صار وانصك
باب الوصل وبأمرها هم يردون

واللام.. لومي قربها لو باطل
ماني على الرذلات ياهيه واصل

ليت النظر وان كان مافيه حاصل
باعيش في أرض الجفا لاتصدون

والميم .. مر البعد والصد لي سم
والجرح أدمي ياغلا كيف يلتم

دام اللقا ياشوقتي هو مرهم
يامبعد لجرح الجفا ماتداوون

والنون.. نفسي للصعيبات تركن
لكن غرام الخل باقول لكن

لانه ثقيل الأمر مافيه ماكن
باقولها واعيد وشلون وشلون؟

والهاء.. هذي حالتي وقلت أنده
سود الليالي جاوبتني على صه

اسكت ترى بالحب مافيه أشره
خللك على حالك ومافات مركون

والواو.. لو اللي يحبوننا لو
يدرون عن سود اليالي بلا ضو

كانوا على وصل اللقا يمنا جو
ياليت في خافي الضماير يعرفون

والياء.. يأسي بالمعاليق داوي
واقول من فرقاه شفني خلاوي

واختم قصيدي للخفيات راوي
وصلوا عدد ماساق ربي مزون

© 2024 - موقع الشعر