قل للحكيم اللي من العام شفناه
هذاك ابو زيد التميمي نسمّيه
وصلت رسالك والمعاني عرفناه
دربٍ على درب الأوائل نقدّيه
وترى الغدير اللي حدانا وردناه
والصاحب اللي قد طلبنا نوفّيه
واصل الغدير بجب ماء وصلناه
ازرق جمامه والغبايب توفّيه
بين الرمال بنصف عمقه لقيناه
لاهو صخور ولاهو جير نردّيه
النفس تواقه ودلوه مسكناه
حتى رشا المحال ينزل نهدّيه
لين الزلال اللي وفانا شربناه
لاهو قراح ولاهو حلو نجبّيه
ونترك مطامينه لبرقا طلبناه
من شام قارٍ في سوادٍ يحلّيه
قلت الكلام وسالم الصوت جبناه
يجر لحنه في ذيولٍ تسرّيه
في همزة المسحوب ليلٍ طربناه
نرد بعده لا سحبنا يقّويه
عبدالرحمن الجربوع
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.