نرميه بالوجه ونؤشر بصابعنا

لـ حسن عامر، ، في المدح والافتخار، آخر تحديث

نرميه بالوجه ونؤشر بصابعنا - حسن عامر

ياما نحث الخطى باقدام رجلينا
حتى لو اقدامنا بالسير توجعنا

في لازم اهل الوفاء تسرع خطاوينا
نقدم بحث الخطاوي ماتراجعنا

نوقف مع اهل الوفاء فالعسر واللينا
ولا اشتكينا ولا ابدينامواجعنا

ماهو على شأن تذكرنا باسامينا
نغلي المراجل ونشريها ولابعنا

ولا على شان فالوقفات يوفينا
ولا انتظرناه بهروجه يلمعنا

من نبنا فاللوازم ماتوانينا
يبشر بسعده وهذي من طبايعنا

واللى لسانه بهرج الزور يطرينا
ماغير يهذر ولا يقدر يسمّعنا

اذا حضرنا يصد الوجه والعينا
ويغض طرفه ولا يقدر يطالعنا

أن كان صادق يقابلنا ويدعينا
ولوبغانا بشرع الله يشارعنا

كلامنا ما تلقفه المواشينا
نرمه بالوجه ونؤشر باصابعنا

حسن عامرآل عيسى
© 2024 - موقع الشعر