طاقية أبويا - عصام حسيني السيد
(( طاقية أبويا ))إهداء إلى روح والدي الحبيب / حسيني السيد محمد مدينبقلمي أ / عصام حسيني السيد مدين............................................................................طاقية أبويا بتونِس و بتدفِيو تلفيحتُه شَمس بتطبطب على كِتفيو جَلابيتُه لِسه ساتراني و بتكفيو فيها ريحة من عرقُه مصبرني على نزفيو كفُه لِسه بيعانق حَنين كَفيو أهي ذكرى ما بين القلب بترفرفلكين جَرح القلوب واعر و مين يشفي ؟ما هو إنت يا أبويا مين عَلم على قلبيفكيف أنساك وكيف يطوي السُكات حرفي ؟و مين بَعد الفُراق صانني وقَدرني ومين خانني ؟و مِين مَد الإيدين وقِف و كان صَفي ؟يا حاج حسيني فين حُضنك وفين صوتك ؟صَحيح مُوتك مِخليني ما نيش عايشو أنا بسأل سؤال عابر ولا قادر في الدموع أخفيمفيش جوه القبور ملجأ يكون هادى فيحويني ؟و أشوف تاني عيونك الزرقا و تُحضنني و تحميني ؟على ذكر القبور قَبرك ده بين صدريو أنا في الدنيا متلفلف في أكبر قَبرسنين عايش تعلمني الرضا و الصبرو مين يابا يشيل عني و أنا حزنان ؟؟و مين يقدر يفرحني و أنا زعلان ؟؟ومين يمسح في عيني الدمع ويوقف جنون لهفي ؟و إيه الفرق بين مَيت و بين مَيت ؟؟ما أنا بَعدك يادوب مَيتبقالي في السنين داير وبتلفتوبتلفت على صوتك يقول يا بنييا واد يا عصام صحيح لسه العيال عندكفي جوه الفصل بتحبك ؟؟و لا غيرت اتفاقنا وبقيت قاسي ؟لسه قانع باللي ربك إداهولك ولا ناسي ؟لسه شِعرك فيه نقاوة ولا بددت النقاوة ؟لسه حرفك بدر ساطع ولا حرفك فيه غباوة ؟لسه جوفك فِيه طهارة لسه خايف م الحرام ؟لسه هادي و راضي و لا جوه منك مِيت ضلام ؟قولت يابا : لسه قانع لسه راضي لسه هاديلسه عايش ذكرياتك لسه عايش والسلامبس ناقص جوه مني ألف حاجة بتحاورنيبتناورني في المشقة و الشوارع و الأزقة و الزحاملسه عايزك زي سابق من دروسك أستفيدصَح شيبت و شيبت زيك بس شيبي مش جديدلسه فاكر شكلي ياباو الملامح من بعيد ؟و إنت جوه القبر عندك قوللي هو فعلا لما بأدعيكل دعوة بهديهالك تلقى نور عمال يزيد ؟؟راح أجيلك بس يجري العمر بيا و أبقى عندكو أبقى حاضن فيك و ماسك بيك بكفي......................................................................بقلمي أ / عصام حسيني السيد مدين ..الأربعاء الموافق 28 / 11 / 2018 ممصر المحروسة
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.