أعذب الاصوات - سلطان بن وسام الهاجري

مرحبا يأعذب الاصوات واغلاها
صوتها العذب مرسالته على شانى

والمشاعر تلبى لى من اقصاها
من خفوقى ومن دمى وشريانى

كل بيتن يداعب حمرة اشفاها
يمتلكنى ويامرنى وينهانى

أنا وأرضى وشعرى من فداياها
حتى بحرى ولولوى ومرجانى

وان كتبت القصيده من مزاياها
اتحدى بيوت الشعر تعصانى

مير حتى قوافيها ومعناها
كل بيتن يسابقنى على الثانى

والله اعلم ولولاها ولولاها
ما تحدت ظرف ولا تحدانى

لين راحت وراح القلب وياها
قلب سلطان مير الحب سلطانى

حطته كنه الخاتم بيمناها
مثل خاتم نبى الله سليمانى

وكل طعنه من الغالين حياها
قد ذبحنى غلاااها العام واحيانى

كنت من حبها اكتبها ولا اقراها
مير ذالحين تكتبنى وتقرانى

في حياتى من اولها الى اتلاها
مهرتن كنها من خيل جدانى

كل ما وصفوها كنه اياها
بس هذى بليا سرج وعنانى

سرجها الليل لا انهل وتغشاها
تفهقه عن جبين الصبح لابانى

وان نطحها الهوى ولا تقفها
قمت اغنى لها لاحي ياليحاني

وأزرقتني برمحن ما تعداها
وابتلتنى ياربى لا تبلانى

© 2024 - موقع الشعر