الاستـاذ الحمـيـدي - سلطان بن وسام الهاجري

يايه الاخ الاستاذ الحميدي
السلام ورحمة الله والتحيه

وصلكم مني على رقم البريدي
مايلي ومايليق بمايليه

واعتبرها اغلى قصيده من قصيدي
من تعلمت الحروف الابجدية

والولا والصدق والعلم الوكيدي
والمشاعر هاجريه ..هاجريه

والقبيله جحدري ولاعبيدي
كلنا نايف وزير الداخليه

وكل شعب المملكه رايه وحيدي
صف واحد والقياده فيصليه

في الرخا يلقونا عنهم بعيدي
انتمشى في فضا الارض العذيه

مير لاهز الهوى غصن الجريدي
اقرب من المملكة للفيصليه

صف واحد لايهس ولايحيدي
يدفعه معنى الكرامه والحميه

للمليك نقول ياعمي وسيدي
وللوطن نارد على حوض المنيه

حينا يفخر وميتنا شهيدي
ياصلاة الله وياسنة نبيه

ومن طلع من صفنا مايستفيدي
ذمة المومن من الخاين بريه

والدواجن لازكاه ولارصيدي
ولاتسمى باسم ثروة حيوانيه

© 2024 - موقع الشعر