خلاص أرجع - خالد فرحان الرويلي

خلاص أرجع بعد ذاك الغياب ولا تقاطعني
تغيب ووجهك الفاتن خذاني لاتأملته

تعال أزرع لي البسمه على شفي وكلمني
حكيت ولابقى شيً على غيابك وماقلته

وأنا ماضني بلحظه معك نفسي تمانعني
بعادك قطع عروق الخفوق ولا تحملته

تعال أرجع هنا بيتك على فقدك يعذبني
هنا بيتك وسط قلبي بدونك ماتخيلته

أنا لو هو حكى قلبي على حبك يكلمني
وأنا قلبي ترى أحرجني عليك بكثر أسألته

أنا لذاك العهد باقي ولكن كيف تجهلني
ولا أدري عمري الماضي بدونك كيف كملته

على ذاك الجفا مبطي طلبتك لاتعلمني
ترى كل الجفا منك وأنا منك تعلمته

✍🏽 خالد الرويلي
© 2024 - موقع الشعر