النّاس للنّاس

الناس للناس
اعله هاي الكلمه قيس أفعالك
واسمع يالتريد اتعيش
وخل حجي اليجي ابّالك :
 
ساعد كل شخص محتاج .. لا تبخل اذا تقدر
عزيز انته تره هاليوم،
باجر يختلف حالك
 
اليقضي حاجة اخوانه، الله يقضي حاجاته
ومو بس يرتفع شانك .. حتى شان اطفالك
 
ترا اليقصد الك تدري، مو صدفه تعنالك
الله هو لختارك لذلك بالاسم جالك
 
عمّي المحتاج مو هالناس .. انته والله صدقني
اجتك فرصة بين ايدك .. لتضيعها بخبالك
 
"مصلحجي اجاني ليش؟ يعرفني وقت حاجة"
اترك هالحجي عنك،
ترا الشيطان يغتالك ..