مرثيه ف/محمد بن كميخ الظميني الهاجري - سعود بن هديان الهاجري

هز الخبر خزنة ظفر والقحاطين
وهز الخبر اهله وربعه وداره

فقدان راع الطيب بكا المحبين
محمد كميخ بموته خساره

يافاجعه حلت بسبعه وألفين
يالله عسى الاحزان اخر زياره

مرحوم ياليث سطع نجمه ألين
عدا الكواكب وانتظم في مداره

مرحوم ياحرِ عليه البراهين
بالطيب ذكره شاع فوق المناره

مرحوم ياقرم على العسر واللين
صادق صدوقِ صادقِ في قراره

مرحوم يارجلِ تميز بثنتين
بالجود وطبع الحلم رافع وقاره

مرحوم يانسل الرجال العريبين
نسل الشجاعه والكرم والنداره

مرحوم عد اشجار خضر البساتين
وعداد زخات المطر وانحداره

مرحوم عد الليل لاسدل وآمين
وعداد صبحِ لنفلق مع نهاره

يارب تغفرله يارب الثقلين
يالله عسى الفردوس يارب داره

© 2024 - موقع الشعر