إلتفت لي بالسلام

لا تسلّم بس إن أقبلت فيني ،
وانت مقفي إلتفت لي بالسلام

إنت لو تدري بقدرك في عيوني
كان ما نامت عيونك قبل انام

وانت لو تدري بكل الي يجيني
لا ذكرت اسمك وسط هذا الأنام

أَعتزل كل الأماكن و اَحتريني
اَطلع من الذكريات بلا كلام

واَلتفت صوبي واقول الله ؟ ويني؟
أَختفي مِنّي ، واَدوّرنيْ بهيام

انت في وصلك من الآخر يقيني
وانت بالأخبار عندي شي هام

وانت في كل احتمالاتك حنيني
وانت لا اقفيت بي تقبل غمام

وانت كثر الي يجي من لايميني
ما دريت بكلّ اقوال اللئام

ماقهرهم غير مابينك وبيني
وماحرقهم مثل مافينا وئام

بس لا سلّمت إن اقبلت فيني
وانت مقفي التفت لي بالسلام