الجهات الاربعه

كيف ابقعد كيف ابمشي كيف ابسهر كيف انام
حارت اقدام الجهات الاربعه من وين اروح

عجزت ابيات القصيده توصف لكل : الانام
نبرة احساس الضياع لفاقد احساس ٍ و روح

كاره ٍ كل العواطف . . . عايش ٍ دون اهتمام
ما لقيت انسان واحد . . . يحضن ابيات ٍ تنوح

هاجر ٍ كل السعادة . . . . ما بقى عندي كلام
امتلى صدري قصايد سطرت معنى : النزوح

بسألك بابسط عباره . . . يا هوى ما هو : حرام
اني عايش في حياتي ما معي رآيه . . . تلوح

ما بقى عندي طريقه من يعوضني . . . غرام
مات من صغره وهو باني بيوت . . و صروح

فيني احساس الغريب اللي لقى اوطانه ركام
ضايع ٍ بين الاماني .. والمصايب . . و الجروح