تعلقنا

تعلقنا انا وياك يا قلبي بهوى . . . . . . غايب
ومدري عن سبب فرقاه عشان يطول . . غيابه

انا ادري حظي من يومي اعرفه بالهوى خايب
يا ليته مره يفزع لي على التوديع . . . . و اسبابه

عجزت برحلتي وياه ثلاث ايام و هو : طايب
حلاله حقه يدلل . . . . . . . احبه حتى بعتابه

تركني عايش ٍ عمري غريب ٍ بالهوى شايب
سرق عمري و افراحه . . و دمر كامل احبابه

احبه تشهد عروقي و جفن لشوفته . . . ذايب
وشوقه يكثر بصدري . . . تخيّل صاير ٍ : لابه

تحديته على الفرقى .. ثلاث ايام و هو : تايب
خدعني بالهوى و اليوم شوف بصدري مخلابه

حبيبي من رحلت الهم من جاني وهو جايب
معاه الحزن بعيوني . . . و اعالج قلبي لحسابه