استأذنك

استأذنك يا روح قلبي دخيلك
يا ساكنه داخل خفوقي . . و راحت

جتك العباري .. شوفها هي دليلك
ان الفؤاد اشتاق و جفوني ناحت

عقب الفراق اللي كتبته . . . بليلك
ماتشوف دمعاتي من الجفن طاحت

جيت اشتكيلك يشهد الله عليلك
و دلال شوقي داخل القلب فاحت

بالله تكفى لحظه ابغى . . جميلك
مدامني شفتك . . . و قدرته تاحت

ماجيت احاسب جيتك الله وكيلك
منديله بيضا فوق شنطتك لاحت

خذيت منديلك اشمه .. و اخيلك
اعطيني اسم العطر لعروق صاحت

عليه عطرك لجله جيت اشتكي لك
تعبت ادوّر ريحة العطر .. راحت