علم مشاعرك معنا لاتسوّي رجيم

(عطني من الحب ) مايملا عيون اليتيم
ويعوّض اللي مضى منها بعد ضامته

(وعطني من الصبر) مايجبر مصاب العقيم
‏‎ينخاك همٍ كِبر .. لين انّحنت قامته

عطني من الوصل قسمي في وعدك القديم
عشان اشوف الهوى . وارقا على هامته

كملي وانا قول (عطني) وانت والله العظيم
مشاعرك ناحيتنا ( كلها صامته )

حاول تصنّع صفاتٍ من صفات الكريم
‏‎لو كان مالله خلقها بك … ولا سامته

علّم مشاعرك معنا (لا تسوّي رجيم )
اخاف يكثر كلام … العالم الشامته

من يوم ربي بلاني .. صرت شاعر واهيم
‏‎وانا مشخّص . وجرحي ساكب عمامته

اشد وانزل .. وحبك ف القصايد مقيم
‏‎مهديك ليلن سهرته .. والعرب نامته

انا كسيتك وفا خالص .. وربي عليم
‏‎وملبّسك ثوب شعرن (زاهيه خامته )

ما دام باقي عليك تشوف صدري حليم
بعطيك فرصة محب … اتقوّم اقيامته

وانزع ( ثياب الهجر)وشلك بها ياغشيم
عيّشني احلى وصل (والبس لي بجامته)

ولأ تراني بعرّضها هبوب النسيم
وادعي على من لعب فيني بسلهامته

*#فهد_المنصوري*