ثقيف العز

اما تعلم باأني من ثقيف ثقيف العز ياغندور
فلا لك من عذر ياحرفِ ابمدح ربعي واخواني

سلام الله عليكم يارجال بيتهم معمور **
رجال تكرمون الضيف والجيران والعاني..

هذا بيتٍ لأبوي وشاش هاجوسي يجيب شعور
الا يالله يالشافي تشافيه وتشفي كل مرضاني

وصالي سيفكم صارم وفعل جدودكم مخبور**
أهل قاله وأهل صاله وأهل بيرق ونيشاني..

فتحنا السند والهند وتعدينا جبال الطور**
وطوعنا الطغاة وعوذوا من كل شيطاني..

وصلنا المغرب الاقصى وجاوزنا كثير بحور **
ورفعنا راية التوحيد عز في كل الاوطاني..

وحاربنا هل البهتان واهل الظلم واهل الزور **
ويشهد بالحقايق كل عدناني وقحطاني..

وياكم معركة خضنا ودايم جيشنا منصور**
نصرنا الله من عنده بعزم وقوة إيماني..

وطفل من جماعتنا يعادله ميه من الطابور **
ولايخشى سهوم الموت دام الاصل ثقفاني..

وجزيرتنا قبايل كلها والنعم وماعليها قصور **
قبايل من قبايل كلها في نون الأعياني..

ولو نمدح قبيلتنا نبا نمدح دهر وعصور **
ولانوفي القبايل مدحها لوكان ماكاني..

في ظل المملكة نحيا بلاد شعشعت بالنور**
حكمها قايد الامة سواة الذيب سرحاني..

وصلوا على الهادي عداد الأرض يوم تدور
وعداد الماء من الغيمة يومها تروي كل ظمياني