ارجوك يا دكتور

ارجوك يا دكتور شوف القلب كل اوجاعه
وإيّاك يا دكتور تفشي . . . علتي و اوجاعي

عشانه دوم اتحمل الهم . . . و جميع اتباعه
ضعنا يا دكتور الهوى و الحب بعده ضاعي

سقت المحبه لعينها لقيتها . . . ملتاعه
واللي جنيته هجرها . . . من هجرها ملتاعي

صاير وحيد بدنيتي من يوم شوفي : جاعه
مشتاق له ضمة صدر . . . . تشتاق له اسماعي

احبه لكن ماسمع قلبي . . . و لا هو طاعه
و القلب من حب ٍ لها .. يآما و يآما : طاعي

اللي حرمني قربها . . . عساه يفنى بساعه
و اللي يبيع محبته . . . . . لابد ما ينباعي

مركب هواه اليوم يا دكتور ضاع : شراعه
و من وقتها لليوم ما فليت يمّه ... شراعي