اغنى الأغنياء

ياللاسف توني دريت اني من اغنى الاغنياء
واني ملكت الكون كله لا ولا كني دريت

اتجاهل الثروة واشك اني تجاهلت بغباء
يومه عطاني الذي لامن طلبته ما استحيت

الاوله :ديني في ظلم الو قت صاير لي ضياء
انحمد الله يوم سلمني وبأسلامي وعيت

والثانيه: ام ٍ نبت في عزها معنى الدعاء
اللي تحاتيني قهر اذا مع اصحابي بطيت

الثالثه: ابٍ لقيت بعازته كل العطاء
ذقت الهنا في طيبته وفي طيبته ياما لقيت

والرابعه: ربع ٍ اذا ..فكر يداهمني بلاء
يفز ّ قاصيهم لعيني قبل لانخى لأنتخيت

والخامسه :هالعافية داء المرض دون الدواء
اللي بها كل الهنا ..واقول بعدي مهتنيت

يالله تحفظ لي ثراي ولا ابي بعده ثراء
انت الغني وفي نعمتك يارب يكفي لاغتنيت

هذا الرخا اللي ابد ما ظنتي عقبه رخاء
ياللي تقول ان الرخا بالمال وش عندك سهيت

هذي الحقيقة والرضا تيجان روس الاذكياء
بالله قلي وش جنيت ان كان يسوى ما جنيت