الجـديـــ!!!!ــد

الجديد اني معدت اكتب جديد
من قديمي يا نديمي استجد

لا حياة ولا معاني ولا قصيد
والبلا غيري يناديني سعد

شاب همي وارتوا منه الوريد
وانتزع كل السعادة للابد

القصايد في فراقه وش تفيد
والاماني لا طريته ما تسد

انقطع يوم انقطع كل البريد
والحزن طفل ٍ يضيق ابه المهد

والجروح جروح قربه من بعيد
والضلوع اليوم حبل ٍ من مسد

الاكيد اني بموت من الاكيد
ومن طعون الوقت يزداد العدد

لو يصير القلب كتله من حديد
لا صهره الحب ما يرجع بعد

الهوا ما شفت مثله من عنيد
والبلا ما شفت مثله مضطهد

عشم العشاق بالعيش الرغيد
لا حصدها ..ولا ترك غيره حصد