صدق ماكذب من قال الازوال بس صور
الازوال ما فيها مسره ولا ضره
لكن الصدور اللي عليها الجيوب تزر
بها مضغةٍ يجهل بها عالم الذره
بها يعلم اللي ما يغره دبيب الذر
عليمٍ فطينٍ كل الاحوال ما تغره
يجيك الرجل في طيب مظهر وغيبه شر
مثل ما يقولون العرب عاقل المره
رميت الهدف في بندق رميها ما قر
تغير هدفها والنياشين مفتره
ترا اللي ليا منه قنص ما قنص في حر
ترى التبع تبع ومن قنص فيه ما سره
يذوق الخساره والخساره طعمها مر
عن الكبد لو راحت تعقب لها جره
وانا لي صحيبٍ يوم بين لزومي فر
تركني عسى تال العهد به هاك المره
عسى منكر الخوه عليه الجيوب تقر
وعسى بنت عمه تسهر الليل من حره

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين