يالضعوف اللى تشبون الوقايد - حسن عامر

الرشاده والحلم وقت الشدايد
مقسم الرجال من رب البريه

ياغبوني ياوسيعين البنايد
مايحبون التفاهه والدنيه

وياوجودي يالرجاجيل الفقايد
أهل صدق وعدل وعزوم قويّه

والذهين عن الفتن يبقى محايد
منهج العقال مافيها وصيّه

وأن سمع بالسالفه ناقص وزايد
ماتورط في حبال العنصريه

ورجل مكسبه الفشيله والنقايد
وأن بدى فى ملبسه مافيه زيّه

جاهلٍ طبع النشاما والعوايد
سار قدوه للفشل والجاهليه

الزمن دوار والدنيا مصايد
والسنين تعلم الناس الذكيّه

يالضعوف اللى تشبون الوقايد
والله أن الضحك من شرّ البليّه

خاب حظ المرتجى منكم سنايد
مايساوي جهدكم ربع الوقيه

حسن عامرآل عيسى
© 2023 - موقع الشعر