ياجميله

لـ سعد بن جدلان، ، في غير مُحدد، آخر تحديث

ياجميله - سعد بن جدلان

كل دارٍ أرجعت وانا سناوي
عزتي للي سواتي عزتي له

زادت الحمى فرحنا للمداوي
والمداوي زود الحمى مليله

ياجميله قام يطوي الحال طاوي
والله ان كبدي على شوفك غليله

والله ان قلبي على اللاماء شفاوي
غير مافي يدي ولا في يديك حيله

سجليني في علم حبك فداوي
انا مجنونك عقب مجنون ليله

يا رقبه الخشف ياعين النداوي
ياسراجيف الذلول المستحيله

يامناةٍ تنقصر عنها المناوي
ياخيار الدهم يالقبا الاصيله

نعنبوك انتي مكاسر عود جاوي
ملبسك سندس وشربك سلسبيله

لو تمرين الشيوخ اهل الفتاوي
عودوا مثلي يجرون الطويله

من عشق شرواك ولا لايهاوي
التقيد من بعض الاشياء فضيله

© 2024 - موقع الشعر