طق الزعل راسك وثقلت خطاويك - يوسف السناح

طق الزعل راسك وثقلت خطاويك
ولاعاد ودك شوفت اللي تحبه

يادوب فيني تلتفت يوم اناديك
ماكن من بيني وبينك محبه

ماكنت متوقع محبك وشاريك
اتساوم بصده على ايات سبه

خذ ماتبي اللي يودك ويرضيك
بس مايصير اللي تحبه تكبه

على دروب الضيق لايهون مغليك
اللي معك يلقا علاجه وطبه

خل الغلا طيره يزور الشبابيك
ويداعبه صفق الهوى في مهبه

العمر مره واللحق ان كان يمديك
قدام لاجمر المفارق تشبه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر