المفارق - موسى محمد ال سعيد

كل المفارق كوم والموت فرقا
لاعادها الله من سنين الفرايق

احدن سرقه الوقت والعين غرقا
من دمعها والقلب حزنه شرايق

واحدن معا العالم بالجود يرقا
معا البشر في كل خيرً و ضايق

واحدن رقا بالعلم غصباً وطرقا
واحدن صعد للمجد سهل الطرايق

عاشق يهل الدمع لا شاف برقا
وكم صابراً بالحمد للحزن فايق

وانا سهرت الليل فالقلب حرقا
اكتم هجوسي بين جمر وحرايق

كم مرتن حامنا معا طيور ورقا
وكم طير ذا غنا بالاشواق رايق

ان وجهو معهم معا الشمس شرقا
والله ذا بارك بصبح الخلايق

لا تسمع اللي يسرق الوقت سرقا
خلك ذهين البال للفكر سايق

اركد وخلك حذر لنفس وارقا
علماً معا العالم تشوفه حقايق

© 2024 - موقع الشعر