ياكاشتين بجنبنا واقصرانا - عبدالرحمن الجربوع

ياكاشتين بجنبنا واقصرانا
مروا علينا ضيفةٍ به توافي

فوق الاثافي دلةٍ له تسانا
يقلب لماها صافي الهيل طافي

ان كان جيتوا في نباكم حيانا
فنجال ضيفٍ يقعد الراس شافي

وان كانِ قاضبْ عندكم ما لحانا
الله يوفقكم برايح ولافي

حنا عشمنا يوم نضفي مسانا
بشوفة رجالٍ سماهم تصافي

نسمر على جذعٍ يكمّل عشانا
مطزاز عيشٍ من سنابل نوافي

ومن طافي المرقوق صفرٍ تبانا
مقطوفها من نجد بين الفيافي

وال طيب فالك ياعزيزي حلانا
من حرّ جمره لاسحم العود وافي

يزكي بطيبه كل ارضٍ تلانا
ويضفي على جوالمكاشيت ضافي

© 2024 - موقع الشعر