البرد شد وثنيته شب ناره
تاقي عليك من البرود الثقالي
اضرب جذوعٍ وسَط مبنَى وجاره
جذعٍ مضاله من اعوامٍ حوالي
واحرص على سمرٍ وسطها سماره
وسدح حدبها من وسطها تشالي
واجمع عليها مالحى من صغاره
واركب جذوعه شكل قنار مالي
اشعل عليها شخطة في شرارة
من ايمن الكبريت حتى شمالي
وخلك كريم وزايدٍ في حراره
اجمع عليها كل جذعٍ صمالي
لاتلحق من النار باول سعاره
خله تآكل من بعضها توالي
ول ينخفض له من سناها مناره
وابدى لها جمرٍ من الراس عالي
الحق عليها تالي الجذع تاره
وتارةٍ من دكته ما يوالي
وال يكتمل جمره بعالي سواره
واقفى عليها داخنٍ في عوالي
ضفله من الرمثه مطايب عطاره
حتى يضيف من المجالس كمالي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.