يا كثر ما قابلت - خالد علي الكثيري

يا كثر ما قابلت في قِلّ حاجة
وياكثر ما أقفوا لياصرت محتاج

بعض البشر ودّك من الله خراجه
بظاهره رجّال ، وبداخله داجّ

وبعض البشر يلقى بضيقك علاجه
جاملته بضيقي ، عسى جابه اعلاج

وبعض البشر يشكي يبيها لجاجة
دايم يهذري ، مادرى انه ازعاج

وبعض البشر (إنجازك بشي) هاجه
يبطي وهو في مشيته دوم هدّاج

وبعض البشر لامايخلّي السماجة
والخاطر وماعاد يتحمل احراج

وبعض البشر تسعدك فلّة حجاجه
حنّا نبي في وقتنا فلّة احجاج

يالله تسترنا بيوم المواجه
ويالله لايبدا على الدرب هرّاج

دنيا على وسع الطريق وفجاجه
ضاقت على من دربه اليوم منعاج

© 2024 - موقع الشعر