في سجة من سالف الوقت من عام - عبدالرحمن الجربوع

في سجة من سالف الوقت من عام
وقت العصير وقبل ذيك الصلاتي

المح امام العين شعرن ضفا تام
تلعب بها الارياح فوق العباتي

في مقدم المولات مع بابها العام
بين الزهور وبين عوج انخلاتي

شعر تمرد من على الجسم والقام
يفيض من فوق العباة الرخاتي

في وقفة ترسم على طولها الزام
تزهي عليها فوق لفّ العباتي

تثني على وقفة تناسيق الاقوام
يفطن لها الماشي ولو منها فاتي

وانا على الموقف تحرولت مالام
من يوم شفت اللي ركب مع سماتي

وامسيت في ليلي جريحن ومانام
مدري وش اللي قد جرى في حياتي

© 2022 - موقع الشعر