خذني - خالد علي الكثيري

خذني ، أمانة لا ترجّعني
خذني وانا محلّلك ومسامح

قلبي، ومن فرقاك أوجعني
وش له يصير فراقنا جارح

غِيب وتواصَل ، لوكذا يعني
خلّ الرسايل بيننا تمارح

ليه انقطعت ولا توادعني
ولا جيتني بعذرك ولا شارح

خذني ولو ودّك تضيّعني
بس خلّني واياك في الواضح

ادري انتهينا ، بس اسمعني
كن الفراق بخاطرك جامح ؟

شارِيك ، وانت اليوم بايعني
يوم اسألوني كنت بك ناصح

خذني ، ولو ودّك تجوّعني
جوّع عيوني دامها اتطارِح

خذني من الضيقة واقنعني
"انّ الفراق احلى وهو مالح"

© 2024 - موقع الشعر