يا الله الخيره - موسى محمد ال سعيد

يالله الخيره عسى فالامر خير
كل ما قلنا تزين الحظ مال

اسالك يالله من علماً منير
يجلي الظلمه ويعتلي الطوال

العقل حكمه ونعمه للبصير
يرفع الرجل ما بين الرجال

والكلام احين ذا سيفاً شيطير
يلجم الرجال و يهز الجبال

احذر انك تستفز اللي كسير
صابر وصبره ولله الكمال

ماحد كامل سوا الله الكبير
نعبده ثم نحمده في كل حال

هذي الدنيا بها شراً وخير
حكم لعقلك وجاوب لسوال

اترك اصحاب الرداء لو هم كثير
وافرك الرجال فركك لريال

ماهو اللي ذا ضحك لك ذا خشير
ولا تصدق كل ما قيلا وقال

ولا تصير معا البشر دايم تسير
خل لك قولاً وثابت لا يزال

ان جهلت احيان شاور واستشير
صاحباً لك فاهمً اية مجال

الزمن هذا به العالم خطير
والمصايب تاردك من كل جال

© 2024 - موقع الشعر