خليفة المجد

بعض البشر ... مايفهمون الدعاوي
يبغاني ابقى في ... موده و كيفه

اذا ضحكت امسيت عايب وغاوي
واعطاني اوصاف ٍ لخلق ٍ سخيفه

واذا التزمت الصمت قالوا حياوي
هذاك ما ينقل مع الناس ... سيفه

لا والله اني حر . . . راعي عزاوي
و للمجد صرت بعون ربي خليفه

انا القوي ... ماني ضعيف الهقاوي
فيني هقاوي . . ما تجي للضعيفه

احب .. ذاك اللي معه جيب خاوي
من كثر ما يذبح علشان ... ضيفه

و احب ذاك اللي من الخير ضاوي
اللي يعلمنا . . . . . . علوم ٍ حنيفه

واحب ذاك اللي على الطيب ناوي
نفسه عن اعراض الخلايق عفيفه

سليم عقلي يا كثير . . . . البلاوي
ياللي تكبّر كل . . . . شغله طفيفه

ترى الخبل دايم على الشر. . ناوي
و اللي مثل هذا حياته . . . كسيفه