ان زانت الدنيا علينا اخذناه - عبدالرحمن الجربوع

ان زانت الدنيا علينا اخذناه
وان راحت الله ما كتبها تجينا

وحنا على سِلم الوفا قد ركبناه
نافي لشخص صادقٍ له يمينا

ولا الردي ماله حسابٍ حسبناه
والقافلة سارت بركبه مشينا

كسر عدانا ثمِ كسرٍ عرجناه
نمشي على درب الصلاح ونعينا

وما ينجبر كاسٍ بيومٍ كسرناه
ولا نشا زرعٍ بصبخٍ دفينا

ولا شبع شوكٍ حلالٍ بمرعاه
ولا ركبنا السفن في كلّ مينا

وما قالوا ان الشاة . امي رضعناه
ولا حارت العين بعلامات تينا

والشكوى للمعبود ربٍ سألناه
يجبر كسير العظم يومه وهينا

والحمد لله كل صبحٍ مشيناه
على سلامة كل يوم يجينا

عبدالرحمن الجربوع
© 2024 - موقع الشعر