الوقت يمضي والليالي قصيره
شتا وصيفٍ والخريف وربيعه
تمضي علينا مثل برق وسفيره
ماتلمحه لحظه يروح بسريعه
أمسٍ بداية عامنا في مسيره
واليوم خامس شهرنا وش تبيعه
والرابح اللي قد قضاها بخيره
على دروب الخير يمشي صنيعه
يقضي حياته في حوائج لغيره
ما يذكر افعاله ابد ما يشيعه
حافظ حقوق الناس عنده كبيره
أمانةٍ حطه بنايه منيعه
ما يترك المسجد صلاته تنيره
فريضةٍ صارت بنفسه رفيعه
والذكر بالسانه ولو هو بسيره
يرجي من الله له شفاعة شفيعه
يخشى قويٍ من حميمٍ يجيره
ويطلب جنانٍ من رحيمٍ يطيعه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين