سفت القميري حدر وزاد اشتياقي

لـ عبدالرحمن الجربوع، ، في القنص والطير، آخر تحديث

سفت القميري حدر وزاد اشتياقي - عبدالرحمن الجربوع

شفت القميري حدرُ زاد اشتياقي
لشوفته عن قرب خايف اذيره

شفته يدارج مشيته فوق ساقي
يومه على سهل الرمال المطيره

جنب الشعيب وجنب طلحٍ نساقي
واحيان بالقاع وتمَلّك سديره

وعند الظهيره في ظلالٍ متاقي
وان شاف عيني طار وابعد مسيره

حتى طياره يطرب القلب راقي
لامن بدا يلتفْ ويكسر مطيره

كنه يراقص لي بفننٍ يساقي
وكنه يقول اني اساس السريره

انا اشهد انه حايزٍ وصف فاقي
كل الوصايف من جمالٍ ينيره

ليته يدوم بارضنا دوم باقي
حتى يريح النفس سمع ونظيره

© 2024 - موقع الشعر