هبوب الفكر

هبت هبوب الفكر مع شعة النور
والفكر ..وردته لعد (ن) ..رهاوي
 
في أطهر ثرى ترجمتها احساس وشعور
بحي الشرايع شرق حي الملاوي
 
بحروف شعر(ن)كنها الدر منثور
من هاجس(ن)للشعر عاشق وهاوي
 
عقب انتخا بي راعي الطيب والشور
سعد حزام الجنب راع العزاوي
 
أبو حسين اللي له الطيب مذكور
عز الخوي وأعز رجل(ن)تخاوي
 
من لابة(ن) من عزها العز منشور
ثبيت عز البيت واهل الهقاوي
 
يا طيب نظم القاف في رجال (ن)صقور
اهل السيوف البارعه فا الغزاوي
 
وموفق اللي في سماء العز مشهور
طيار ..حربي ..للمعادين.. قاوي
 
طيار ومحنك على الحرب دكتور
رجل(ن)على الغارات قرم(ن)فداوي
 
دون الوطن السرب فالجو طابور
ما ..كنها الا طير حر(ن) ..نداوي
 
مبروك يا موفق عسى دوم مسرور
يحقق ..احلامك ..وكل ..المناوي
 
ترجمت ما في خاطري في عدة سطور
شاعر وفي نظم الشعر ذيب عاوي
 
وانا من رجال(ن) بنو مجد وقصور
روقي ويكفيني فخر العطاوي
 
واختامها صلو عدد شعة النور
على محمد عد غيث(ن)رهاوي
 
 
الشاعر :فايز الروقي