الخساره بالعمر والبارحـه عمـري خسرتـه - سعد المويهي

الخساره بالعمر والبارحه عمري خسرته
روّح بغيضه وعبراته وخلالي شقاه

جيت ابجبر خاطره واثري بدل مجبر كسرته
وشالته عزت ربوعه والعزيز اللي رباه

ليتني طوّفت ميعاده ورحت ولا انتظرته
كان يمكن ماحصل حاجه ولاغيضه خذاه

او ياليت الحكي في صدري قبل ما يطلع قبرته
وانتهى في وسط صدري قبل لا يطلع غثاه

يوم بانت ضيقته حكي المحبه ماذخرته
بس بادلني بصمت ودمعتين وكلمة اهاااه

الله أعلم يوم قفّى بالشعور اللي شعرته
والخطاء كله من الساني ويتحمل خطاااه

والله إنّه كل ماروّح عليه وافتكرته
كن قلبي يلعن الساني على ذنبٍ جنااااه

بس انا مامت يوم البارحه عمري خسرته
راح عمري بس انا مازلت باقي بالحياه

سعد المويهي
© 2024 - موقع الشعر