إدمان الحُب

ًأعشق جمالك يازين
واموت بسحر العينين

أدمنت حبك إدمان
فقدت حِسي والخَين

انت بهذا الهِجران
شَقَيتْ قلبي نُصَين

نُصَه يطفي نيران
عِناد صَدك والبين

والنُص يعزف الحان
سِحرَ الخدود والعينين

مَبلي انا في حُبك
من عام الفين واثنين

إن مر يوم ما شفتك
اجلس اذوب بيني بين

الحُب بقلبي قرر
انك حبيبي يازين

والحُب حُكمه ماضي
كالسيف ذو الحَدَين

قلبي يداريني فيك
وانت تقول مش ذَحّين

الحب حُكمه قِطَّاف
مافيش عنده بعدين

و لا أفي استئناف
لازم يَلُم الشَمْلين

وزاد اصدر قانون
نَصُه شِمِلنا الاثنين

على الصبي والمجنون
شامل لكل الجِنسين

أتجرع المُر لجلك
وبعتُ عمري لك دين

ذليتني عند اهلك
لما تقول مش ذَحّين

ياليت وانا طائر
معي جناحين إثنين

شاحوم قريب من بيتك
واترقبك بيني بين

واشوف أقرَب فُرصه
أنقض لأتقاضي الدين

لا مَرقَدك شغزي لك
واجْثُم بِصَدرك يومين

شاذوق طيب انفاسك
وارشف لَمَاك والخَدَين

لاعاد شَخَاف من ناسك
أو ما شِسَوَوا بعدين

????????????
كلمات : نبيل عثمان الصلوي

2018/9/6