بنت القرادهـ

الله حكم بالموت . . . رازقني اثنين
و اعيش ما بين الحزن و السعاده

يا بنت . . ياللي كل كلمه تذبين
وينك عن دروب العقل و الركاده

حنّا سلايل مجد . . . محْنا مساكين
و حنّا عمى عين الحسود و رماده

حنّا مع الوافي على الدوم . . وافيين
و حنّا مع الطيّب . . . نزوّد وداده

حنّا لوطنا نحمي العرض و الدين
و حنّا هل القبله . . نحب العباده

عند القياده شعب لكن : سلاطين
و حنّا على القمّه . . نحب السياده

الحظ ما هو في . . . كثير الملايين
الحظ من مات . . . و يقول الشهاده

ما همني شكلك . . ولا همي الزين
و اخذ الكلام اللي لعقلك سداده

انتِ عن الفرشه يا ليتك تقومين
و آخر حياتك لا غطا و لا وساده

تراك مفتونه . . . بكثير المحبين
و العالم الله من يقوده . . . فساده

هاك الختام اللي على الجرح سكين
مالي و مال اللي يحب . . القراده